القطه الشقيه عضو جامد موت
عدد الرسائل : 3032 تاريخ الميلاد : 01/02/1989 العمر : 35 العمل/الترفيه : طالـــــبه تعرفت على المنتدى من : احمد المدير تاريخ التسجيل : 17/02/2009
| موضوع: وتتوالى الردود( هل الرجل ظل حيطه؟ ) الجمعة أغسطس 28, 2009 8:46 pm | |
| يا ترى ظل الرجل ولا ظل الحيطه ؟؟
دايما بيقارنو الراجل بالحيطه مش عارفه ليه بس بالصدفه لقيت احصائيه علميه موثوق فيها بتقول ان الدرسات اثبتت وبالبرهان ان الحيطه احسن من الراجل وا ليكم الاحصائيه
وقفت الست بهيه على كوم عالى وقعدت تخطب وسط الحريم المرصوصين على المصاطب
وقالت:- قال بيقولوا ضل راجل ولا ضل حيطه 00000!
طيب بزمتك عمرك سمعتى عن حيطه تقعد تشخر طول الليل وما تخلكيش تعرفى تنامى ؟
ولا حيطه تدخل من باب الشقه تجعر وتقول فين الغدا0000
وبعدين تطين عيشتك عشان الملح طلع زيادة فى الباميه !!!
ولا ممكن ترجعى البيت على غفله تلاقى حيطه بتبوس الخدامه !!!
طيب شفتى حيطه تملالك سقف البيت دخان والارضيه زباله !!!
ولا حيطه تفضل تنكد عليكى وتقولك رايحه فين وجايه منين !!!
ولا حيطه تدوخك وراها عشان تعرفى هى بتكلم مين فى التليفون بعد نص الليل :
طيب دى الحيطه معروف مكانها ديما طيب المحروس يدوخك وراة عشان تعرفى هو سهران فى انهى داهيه قال ايه عندة شغل 000 يا سلاااام
بذمتك فى حيطه تحاول تطلعك غلطانه فى كل كلامك علشان تثبت للناس ان الحيطه بتفهم احسن منك !!!
ولا حيطه تلوى بوزها وتقعد بالفانله وروب النوم لما مامتك تيجى تزورك !!!
وتحبك معاها اوى تحكى نكت عن الحموات !
ولا حيطه تقعد تقولك ما تخرجيش بالفستان دة محزق عليكى ولما تقوليلها هاتى فلوس اشترى غيرة تعمل ودن من طين والتانيه من عجين طيب دى حتى الحيطان ليها ودان !!
يا شيخه بلا قرف 00000بلا نيله 000000 دى حتى الحيطه اجدع
وتتوالى الردود لرد الهجوم الشرس على البنات استحملوا ايها الرجاااااال !!! | |
|
AHMED المدير العام
عدد الرسائل : 1985 تاريخ الميلاد : 19/03/1990 العمر : 34 العمل/الترفيه : خريج كلية تجاره جامعة عين شمس (دفعة 2010) تعرفت على المنتدى من : من نفسي رأيك بالمنتدى و اقسامه؟ : رائع تاريخ التسجيل : 15/02/2009
| موضوع: رد: وتتوالى الردود( هل الرجل ظل حيطه؟ ) الأحد أغسطس 30, 2009 12:35 am | |
| سلوان مواضيعيك بقي كلها اضطهادات للرجاله ليه كده عموما في رجاله ضلها ضل جبل مش ضل حيطه وفي رجاله مالها ضل اساسا دا مختصر الرد عالموضوع وثانكس ليكي | |
|
القطه الشقيه عضو جامد موت
عدد الرسائل : 3032 تاريخ الميلاد : 01/02/1989 العمر : 35 العمل/الترفيه : طالـــــبه تعرفت على المنتدى من : احمد المدير تاريخ التسجيل : 17/02/2009
| موضوع: رد: وتتوالى الردود( هل الرجل ظل حيطه؟ ) الإثنين أغسطس 31, 2009 2:16 pm | |
| ههههههههههههههههههههههههههههههههههههههههه مش اضطهاد والله بس انتوا دايما احنا مش عجبينكم بوريكوا انتوا بردو ممكن تعملوا ايه انا كده غلطانه شكرا يا حماده مع انى مختلفه معاك فى الراى | |
|