موجه الى جميع البنات بما فيهم بنات المنتدى و اختي اولهم

السلام عليكم ورحمة الله و بركاته

ازيكم يا بنوتات المنتدى يارب تكونو كلكم بخير

انا النهاردا بكتب الموضوع دا عشان اناقش فيه موضوع كتبته لنا اختي الكريمه نورا ميدو وهو الحجاب اليهودي

وكان الموضوع للي مش شافو : الموضوع :

اقتباس :

وهو أن اليهود عندهم في ديانتهم حجاب للنساء ايضا
كما عند الراهبات في المسيحية
وإليكم صور عن الحجاب اليهودي

http://img9.imageshack.us/gal.php?g=51480828.png

هل فكرتم من اين جائت موضة الحجاب الاسلامي هذه الأيام
لو مش مصدقين أعملوا بحث في الغوغل واكتبوا
Jewish Scarf))
الحجاب اليهودي وشوف شو راح يطلعلك
--------------------------------
ورسول الله صلى الله عليه وسلم أخبرنا عن هذا التقليد الأعمى لليهود الذي سيحصل من قبل المسلمين

وعن أبي سعيد قال قال رسول الله صلى الله عليه وسلم لتتبعن سنن من قبلكم شبرا بشبر وذراعا بذراع حتى لو دخلوا جحر ضب تبعتموهم . قيل يا رسول الله اليهود والنصارى ؟ قال فمن . متفق عليه

بينما أمرنا الله سبحانه وتعالى أن نتّخذ بنات النبي ونساء النبي صلى الله عليه وسلم قدوة لبناتنا ونساءنا في اللباس والاخلاق

رااااائع رااااائع رااااائع يا نورا
بس انا للاسف مش متفق مع ردود البنات عالموضوع
لان للاسف انا شايف ان نسبه كبيره جدا من البنات مش بيعملو اللفه الاسلاميه المطلوبه
كلو بص على اول صوره فقط وهي اللي ملفوف فيها الطرحه اسبانيش بس
الحجاب بتاع البنت او المراه المسلمه اللي ذكره النبي صلى الله عليه و سلم و وصفه متمثل في
الخمااار
و
النقاب
انما الطرح بتاعت البنات دي مايتقالش عليها حجاب نهااااااائي حتى اللفات العاديه دي بتاعتكم
فلازم كلنا نعرف ان مش قله من البنات فيها المشكله دي هي اغلب البنات بما فيهم اختي احسن تكونو فاكرين اني باجي على حد غريب مع ان اختي لبسها كله واسع ومحتشم الى ابعد الحدود بس ينقصها الخمار
لان عمر ماكان الحجاب اللي انتو بتلبسوه دا هو الحجاب اللي ربنا و نبيه وصفه لينا ولا هو الحجاب اللي كانو زوجات النبي عليه الصلاة والسلام وبناته بيلبسوه واللي زي مانورا قالت ان ربنا امرنا بالاقتضاء بهم في اللباس والاخلاق

وهو اكيد افضل من اننا نبين شعورنا بس انا غرضي ان كل البنات تكون فاهمه ان مش دا الحجاب الصحيح لكن من جهة انه افضل من شئ اخر فكثير و عديد من اخطائنا في الدنيا افضل من اخطاء اخرى اكبر ولكن ليس هذا مبرر لفعلها
واسف جدا على الاطاله بس كنت اريد لفت الانتباه فقط وربنا يهدينا و يهديكم يارب

يس اكيد كلنا عارفين انه مش ده الحجاب المطلوب حتى لو لفينا اللفه العاديه ميرسي والله الموضوع كان مغمور

فعلا يا احمد احنا مش محجبين
احنا محتشمين
لان الطرح دى مش تعتبر حجاب
بلبسها تسمى احتشام

شكرا لمرورك يانورا انتي و بوسي
وربنا يهدينا جميعا يارب

روى أبو داود عن عائشة رضي الله عنها: أن أسماء بنت أبي بكر دخلت على رسول الله صلى الله عليه وسلم وعليها ثياب رقاق، فأعرض عنها رسول الله صلى الله عليه وسلم، وقال: يا أسماء إن المرأة إذا بلغت المحيض لم تصلح أن يرى منها إلا هذا وهذا- وأشار إلى وجهه وكفيه.

والله اعلم طبعا بمدى صحة الحديث بس الرسول (ص) مقالش الخمار بصفة خاصة

وانا موش عاوز ندخل ف مناقشة وجوب النقاب لان بيتهيالى ان معلوماتنا متسمحش نتناقش ف امور بالخطورة دى

شكرا يا احمد ع طرح الموضوع

أرجو إن أي معلومه دينيه يا أحمد ما تكونش أراء خاصه لينا لازم تكون عن مصدر مسؤل ونعلن عنه..لذا أطلب منك يا أحمد تقولنا مين الشيخ الأزهري الي قال إن الحجاب الإسلامي هو الخمار و ما دونه ليس حجاب؟؟؟؟

انا ما قولتش ومادونه طبعا
لان وما دونه دي تقتضي النقاب والاسدال و حاجات انا ماقدرش افتي فيها
لكن كل اللي انا قرأته و واثق منه و شاهدته وسمعته من كبار الشيوخ والعلماء
هو ان الطرحه اللي البنات بتلبسها دي ويادوبك بتغطي بيها شعرها وبيكون باين منه احيانا وبقيت جسمها بيكون متجسم في الباديهات والبنطالونات او الجيب المجسمه فدا لا يسمى حجاب نهائي وان الحجاب هو الشئ الحاجب للجسم من اعلى وليس لمنطقة الرأس فقط ودا مش كلامي و حقك طبعا اني اجيبلك نص صريح
وجاري البحث

اليك ماتريده ياميدو ودرس سماعي كمان مش مكتوب

للشيخ مسعد انور

الحجاب المتبرج

للشيخ محمد اسماعيل المقدم

شروط الحجاب الشرعي

هو ده اللي أنا كنت عايز أتأكد منه و اللي كان لازم يكون مرفق بالموضوع لتوثيقه...شكرآ أحمد

شكرا ليك انت ياميدو على مساعدتي في تكملة الموضوع

بجد يا حماده اللفه دى مشكله كبيره لان معظم البنات دلوقتى بقت بتلف اللفات الجديده بحجه الموضه
وربنا يستر علينا بجد علشان احنا بنجرى وراء الموضه وخلاص ومن غير ما نفهم

اللهم استر عوارتنا جميعا واهدنا الى الطريق المستقيم
جزاك الله خيرا

اللهم ما امين
بارك الله فيك ياحمد وجذاك كل خير
ويارت بنتنا توصلهم المعلومه ويستفيدو

انا عارفه طبعا ان الطرحه اللي انا عن نفسي بلبسها مش هي الحجاب الشرعي
وبجد ربنا يهديني ويهدي كل البنات ويجلي بصرنا ويحمينا من كل ما يغضبه يارب

وشكرا ليك يا احمد
جزاك الله كل خير

سلوان شيكو بركه دنيا

شكرا لمروركم