السياسة .. امثــــال شعبيـــــــة

السلام عليكــم ورحمـة الله وبركاتــة ،،

شوية امثلة توضح وتؤكد الاحوال السياسيه للوطن العربى وخاصة
ام الدنــيــا مـــــــــصــــــــر

س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم

س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب

س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه

س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس

س5: ما هى سياسة مصر الداخليه؟
ج5: أضرب المربوط يخاف السايب

س6: ما هو نظام الحكم فى مصر؟
ج6: سمك لبن تمر هندى

س7: ما هو موقف الأخوان المسلمين من الحكم؟
ج7: عينى فيه و أقول أخيه

س8: بما تفسر الأداء الحكومى المصرى؟
ج8: إن كان هذا يكيدك أنا أزيدك

س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب

س10: بما تصف زيادة معدل النمو فى مصر؟
ج10: إن كان الكذب حجة فالصدق أنجى

س11: بما تفسر التغيير الوزارى؟
ج11: ايه يعمل الترقيع فى الثوب البالى

س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل و أدى النخله

س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع

**********************
**************

****

بس كده

منقول بالطبع

راااااااائع يا جودمان بجد كل ما أجي اعمل إقتباس لواحده ألاقي اللي بعدها أجما

شكراااااااااااا

لو بالطبع منقول كنت عمات تقديم الجار والمجرور للتخصيص وكانت لغويا هتبقى احسن

بس معلشى عارف النحو بتاعك عامل ازاى

بس بجد يا واد انت

موضوع هايل بس كنت عاوز كدة كذا مثل تمام ع اللى بالى بالك

يلا متعوضة ان شاء الله

امثال جميله ومعبره
عن الواقع