ابو الفصاده بيطقطق على دماغ فارسه؟

يلا على خيرة الله أحمد الكبير ولازم نكرمه ونعمل معاه احلى واجب بس ربنا يقدرنا بقى على فعل الخير التام معاه

اجهز يا ابو حميد ورد علينا

لازم يكون عنده علم بالموضوع فارسه

يتم تثبيت الموضوع للمتابعة

تسلمى يا قمرايه

كدا عندنا صوتين اكيد حنقله لما يكتمل عدد الاصوات تلاقيه دلوقتى مشغول بالنتيجه

ربى يوفق الجميع

طبعا المدير

احمد احمد احمد


انا معاااااااااكوااااااااااااا

كده ثلاث اصوات

يا مسهل واحمد يشرفنا فى البرنامج يارب بقا يكون مستعد

أكيد ان شاء الله احمد
هو المدير
احنا مستناينكم

طبعا احمد

لازم يكون جاهز

اضم صوتي لصوتكم

اكيد طبعا احمد احمد احمد

هههههههههه ماشاء الله دا بقي 6 كده لأ انا اعلن استعدادي قبل ما الاصوات تكتر عن كده
في انتظار الاسئله و متابع معكم بأستمرار بأذن الله و اسف على التأخير

حلو الموضوع

اسئلة جامدة موووووووووووووت يا ايمان

احييكي





في انتظار رد المدير

اقتباس :

اسئلة جامدة موووووووووووووت يا ايمان

احييكي





في انتظار رد المدير

ربى يسلمك؟

اولا ماشاء الله الاسئله جامده موووووووت بس طويله اوي اوي ومش عارف هعرف ارد عليهم كلهم ولا لاء بس بجد اسئله تحفه جدا

اول فقره

فقره عامه

اقتباس :

#### ايه راى حضرتك فى اسم البرنامج؟

اسمه غريب جدااااا و يشد الكل الى انه يدخله عشان يفهمه ههههههه اول ماقريته قولت يعني ايه و حتى الان بصراحه مش فاهم ايه علاقة اسمه بالموضوع

اقتباس :

### من هو أحمد؟

شاب مصري مسلم يعيش في اجواء القاهره احب جدا لما اعمل شئ اتقن الشئ دا على اد ماقدر سواء ان كان دراستي او شغلي و من هو احمد اجابتها في كتير من الاسئله الجيا فارسة الاسلام ماشاء الله مغطياها كلها
ـــــــــــــــــــــــــــــــــــــــــــــــــــــــــــــ


ثانى فقره

اسئله شخصيه

اقتباس :

**ايه اللى بيفرح حضرتك؟

نجاااااااحي

اقتباس :

** صاحبك فرحان وانتا متضايق ياترى بتعمل ايه ؟
بتبين انك فرحان ولا ايه؟

بتحصل كتيير لما بشوف النتيجه مع حد من صحابي و انا بكون ناجح و جايب تقديري اللي بحلم بيه و هو يكون مثلا شال مواد او مش راضي عن نتيجته بكون زعلان اوي عشانه و في نفس الوقت ماكدبش عليكم بكون هموت من الفرحه لنفسي بس مستحيل اطلعها اودامه ابدا و ببين حزني وماظنش ان دا نفاق نهائي

اقتباس :

** من اكتر شخص اذا حسيت انه حضرتك متضايق بترحله او بتكلمه فى التليفون او ...؟؟

مابفاش في حد بس يوم ما بفكر في اني اروح لحد بروح لداني صاحبي (مشترك هنا في المنتدى بس متخفي )

اقتباس :

**من اكتر الاشخاص الذى لا ترغب فى رؤيه دمعتهم؟

امي دمعتها غاليه اوي عليا و بيصعب اوي عليا لما بشوفها

اقتباس :

*** لما صحبك بيزعلك بتتصرف معاه ازاى؟

لو عزيز عليا و صاحبي اوي لازم افاتحه في الموضوع و بكلمه و اعاتبه و يا اما يبررلي موقفه و يقنعني اما بيعتذرلي و ساعتها كلمة اسف اساسا دي ماتعرفوش بتعمل فيا ايه حتى لو الانسان دا عمل معايا مصايب و بتضعفني جدا

اقتباس :

**لما تكون حضرتك متضايق بتلاقى نفسك فين؟يعنى بتحب تورح فين؟

الكورنيييييش على طووووووول أو المعادي (بعشقها) الاتنين بيني و بينهم دقيقتين فبنزل اي مكان فيهم

اقتباس :

***كام مره بكيت قدام اعز الناس ليك؟

اممممم اعز الناس اهلي و متهيئلي مابكتش اودامهم الا مره

اقتباس :

**اكيد شخصيه حضرتك دى مش من فراغ
بمعنى انه كل واحد فى حياته بتاثر عليه شويه موافق
اكيد اثرت على حضرتك بعض الموافق سواء كانت بالسلب او بالايجاب
فيا ترى ايه اكتر المواقف اللى اثر فى حضرتك جامد وقلب حياه حضرتك 180 درجه ؟

اكتر حاجه علمت في حياتي و غيرت مني كتيير اول شغلانه اشتغلتها في حياتي في 3 ثانوي تقريبا و بفضلت شغالها لحد اجازة 2 جامعه و بجد غيرتني اوي اوي و علمتني يا جماعه بطريقه ماحدش يتخيلها ابدا بجد حاجات مهوله و بجد انا بفتخر بيها مع ان ممكن شباب كتير يتكسفو منها (مندوب مبيعات)بس مش زي الناس الرخمه اللي بيطلعو الشقق علمتني الصبر و الحكمه و احتواء الناس و المرونه في التعامل مع الناس و لففتني في القاهرة كتييييييير و حاجات كتيره جدا مش هينفع اقولها كلها عشان ماطولش عليكم
*******************

ثالث فقره
فقره اعترف صح ولا حطا:؟

اقتباس :

_______حضرتك عصبى موووووووووووووووت؟

مووووووت للأسف

اقتباس :

_______لو حد خانك من صحابك ممكن تبيه باى تمن؟

صحابي الرجاله يستحييييييييل حتى لو عملو معايا ايه

اقتباس :

-----------بتحب البسبوسه؟

اوبزززززز موووووووووووووووووووووت ممكن ااكل نص كيلو لواحدي وانا برد على موضوعك دا بس هههههههههههه

اقتباس :

________رطاااااااااااط جاااااااااااااااامد؟

من وجهة نظري نهائي .. بس انتو شايفين ايه !! عموما ممكن اكون رغاي في الحاجات اللي بيتفتح فيها نقاش اودامي وبيكون مطلوب ابدي برأيي زي الموضوع دا كده فبحب اجيب كل اللي عندي بمعنى الكلمه

اقتباس :

______________مش اى حد تثق فيه؟

مين قالك اني بتق في حد اساسا ؟ مابقتش اثق في حد نهائي حتى اعز صحابي بس مش بخونهم في نفس الوقت

اقتباس :

___________المتوكل على الله "اسلام"تؤام روحك؟

سولوم حبيب قلبي و بعزه جدا بس مش توأم روحي هههههه اسلام انا عارفه من بركه و رباح و شوفتو ييجي 3 مرات متهيئلي بس تقريبا او 4
بس بعزه جدا و بحترمه اوي والله
&&&&&&&&&&&&&&&&&&&&&&&

رابع فقره

اسئله تخص المنتدى

اقتباس :

\\\\**اشمعنا التوقيع ده بالذات اللى حضرتك اخترته؟

عادي .. عاجبني و حبيت اكسب من وراه حسنات من كل واحد يقراه بجانب ان مظهره جميل

اقتباس :

\\\\ايه اكتر قسم بيعجب حضرتك هنا فى المنتدى؟

قسم ابداعاتكم بعد الاقسام الدينيه طبعا بس عشان كتيره اوي فنتكلم عن الاقسام التانيه

اقتباس :

\\\\ازاى بتنظم وقت حضرتك فى المنتدى؟من حيث الاشراف وقرءاه المواضيع والاداره؟

انا بشوف يومي من اوله متاح ليا كام ساعه بلاقي مثلا 3 ساعات بدي ساعتين ونص لقراءة المواضيع و متابعتكم و دي منها بقوم بدوري كعضو و كمشرف و بدي نص ساعه كل يوم لمحاولة نشر المنتدى على اد ماقدر

اقتباس :

\\\\(سؤال اختيارى الاجابه لك مطلق الحريه ف الرد)بس يستحسن انه حضرتك تجاوب
من اكثر شخص مواضيعه بتعجب حضرتك؟
يعنى بترتاح فيها بتريح حضرتك كدا يعنى؟

والله كل الاعضاء ليهم مواضيع كتير تحفه ومافييش حد معين بركز عليه في مواضيع بس مواضيع النقاشات بتاعتك جميله و بنتظرها

اسئله شخصيه مووووووووووووووووت

اقتباس :

((((())))) يعنى على حد علمى انه حضرتك كان معك منتدى قديم باسم "حبيب العمر" مين الحبيب

ده ؟؟؟

هههههههههههههه مين قالك على اسمه ؟؟؟ عموما اساسا فكرة المنتدى الاول كان اني عايز العب ليس الا و ماكنش في نيتي ابداااا اني اشهره ولا انزله على جوجل ولا الكلام دا نهائي فكان اسمه اساسا
a7md.forumotion.com دا اكبر دليل على اللعب هههههههه بس فجأه الحوار كبر و لقيت نفسي عملته جامد اوي و نشرته لصحابي و نزلته على جوجل و الدنيا كبرت فاقترحت على الاعضاء اننا نغير اسمه و كلهم قالو ياريت و كل واحد حط اسامي كتير و كله صوت على الاسماء دي و طلع اكتر اسم اتصوت عليه هو حبيب العمر دي قصة حبيب العمر
==================


خامس فقره

اوصف كل من بكلمه واحده:..........؟

اقتباس :

_نفسك؟

ماعرفش اوصف نفسي بصراحه اما حاجه وحشه اما حاجه حلوه و صعب اقعد امدح في نفسي

اقتباس :

_القطه الشقيه؟

لا يوجد لي حق بالوصف بعد اذنك

اقتباس :

_نورا ميدو؟

صريحه لدرجه مقلقه ههههههههه

اقتباس :

_ميدو سوبر

حكيم المنتدى

اقتباس :

_المتوكل على الله؟

بحس انه متسرع في اتخاذ القرارات (ممكن)

اقتباس :

_حماده بركه؟

جدع بس دايما مؤجل و بيشلني

اقتباس :

_دنيا؟

بلاش

اقتباس :

_عاشقه الجنان "فيروز"؟

بحس منها بالنشاط او الحيويه

اقتباس :

_بريو هارت؟

بريو اكيد اصدك بيور
مجتهده ماشاء الله عليها

اقتباس :

_فارسه الاسلام؟

مرحه

بصراحه وصفي للأعضاء دا اصعب فقره لأن يعتبر ماعرفش اغلبكم في الواقع فمش بقدر اوصف بدقه
و الاسئله كتيره موووت بصراحه لي عوده مره اخرى

اجابات موفقة

بجد اجابات حسنه مستنين تكمل تمام

اقتباس :

اقتباس:

________رطاااااااااااط جاااااااااااااااامد؟

من وجهة نظري نهائي .. بس انتو شايفين ايه !!
عموما ممكن اكون رغاي في الحاجات اللي بيتفتح فيها نقاش اودامي وبيكون
مطلوب ابدي برأيي زي الموضوع دا كده فبحب اجيب كل اللي عندي بمعنى الكلمه

ضيف السؤال ده تبعهم

انا قصدى فى الحياه العامه مش ف المنتدى

المنتدى هنا بالعكس كلام حضرتك مش فيه اى رط خالص بالعكس اكيد كل عضو فينا يتمنى انه مدير المنتدى يزور موضعه

انا قصدى فى الحياه العامه عنك

تمااااااااااااام موفق باذن الله

حستنى الاجابات الباقيه

اقتباس :

اقتباس:

#### ايه راى حضرتك فى اسم البرنامج؟

اسمه
غريب جدااااا و يشد الكل الى انه يدخله عشان يفهمه ههههههه اول ماقريته
قولت يعني ايه و حتى الان بصراحه مش فاهم ايه علاقة اسمه بالموضوع

هههههههههههههههه

ههههههههههههههههههههههههههه

اسم البرنامج
ابو الفصاد ده طااااااااااااااااائر اكيد عارفينه "حيو عيد ميلاده الليله "
؟؟

ثانيا بيطقطق على دماغى لانه عاوز يعرف شويه اجابات لبعض الاسئله عن اشياء معينه؟

انا سمعت واحده فى احد وسائل الاعلام بتقول ابو الفصاده طقطق على دماغى وعاوزك تجاوبه على الاسئله دى؟
كانت بتسال حد من عيلتها


انا الفكره كانت ف دماغى من زمان بس مش كنت لاقيه اسم للبرنامج

كنت حسنميه فضفضه

وكنت حسميه .............؟اسااااامى كتتتتتتتييييييييييييييرررره جدااااااااااااا من ضمنها الشارع بين يديك

بس خليت الشارع بين يديك حوار للكل مش لواحد بس


ف انتظار باقى الاجابات

اقتباس :

_بريو هارت؟
بريو اكيد اصدك بيور
مجتهده ماشاء الله عليها
اقتباس:

لااااااااازم الفضايح دى

ربنا امر بالستر

اقتباس :

_فارسه الاسلام؟
مرحه

متشكره

اقتباس :

هههههههههههههه مين قالك على اسمه ؟؟؟

حضرتك

اولا رائع جدا الحوار مشكور اخى

ثانيا

اقتباس :

اقتباس:

_عاشقه الجنان "فيروز"؟

بحس منها بالنشاط او الحيويه

ربنا يعزك بس ده من عصبيتى الزياذة شوية

مشكور اخى

طيب لو في حد غيري هيدخل في الحوار يدخل انا رديت على اهم الاسئله و يعتبر اغلبهم
الاسئله كتيره اوي اهلكتيني يا ايمان

اقتباس :

طيب لو في حد غيري هيدخل في الحوار يدخل انا رديت على اهم الاسئله و يعتبر اغلبهم
الاسئله كتيره اوي اهلكتيني يا ايمان

الف مليون سلامه عليك يا اخويا بس معلش جواب ع الباقين بس بليز

اقتباس :

بجد الموضوع راااااااااائع جدا يا ايمان


بس غفى حاجة كدا هقولها مش شرط يا امونتى ان فى موضوع جديد بالذات لو اساله نختار احمد بما انه مدير المنتدى

انا اشفقت علية كل دى اساله يا ظالمة

ماعلينا بس والله موضوع جميل اشكرك يا جميل

اوعى تزعلى من كلامى بس دا راى يعنى وقولته

مش علشان مدير

لانى واثقه انه حيتقبل الترشيح ويواجب

نورتينى ورايى اهلا بيه وبكل الاراء

ماشى يا ستى

اقتباس :

$$ ايه اكتر حاجه تنصح بيها .........؟

000 الشباب اللى فى سن حضرتك؟

في سني يبقى نصيحه لنفسي معاهم برده
انصح نفسي و انصحهم بضرورة تفهم الحياه الجديده المقبلين عليها و انها لم تعد مثل الحياه السابقه نهائيا فهناك جيش و هناك عمل و وظيفه و رؤساء عليك يأمرونك و ينهونك و يضغطون عليك فأنتهى عصر الضعف و انتهى زمن اللامبالاه يجب ان تغير من نفسك و ان تغير من الكثير من طباعك

اقتباس :

000 اللى اضغر من حضرتك "ثانويه"؟

اللي يقولك ان الشهاده ملهاش لازمه بيضحك و بيكدب عليك
حاول دايما التميز في حياتك و في المجال اللي بتحبه دا اهم شئ (التميز) حاول ان تحافظ على كل معلومه تكتسبها من دراستك فهي ستفيدك جدا في حياتك فيما بعد و خصوصا اللغات

اقتباس :

000البنات عموما؟

ربنا يهديهم و يهدي كل بنت متبرجه سبب في تلف الشباب و سبب في حالات الاغتصابات المنتشره و سبب في وقوع شباب كثيرين في كثير من المعاصي و الذنوب

اقتباس :

000 ايه راى حضرتك فى المصادقه الالكترونيه؟

احيانا تفلح و حقيقه طلعت منها بأصدقاء حقيقيين و مازالو معي حتى الان و بقالنا على معرفه شديده فيما يقارب ال 6 سنين
ملحوظه : (السؤال بيناقش الصداقه الالكترونيه عموما لا الصداقه الالكترونيه بين شخص و الجنس الاخر)

اقتباس :

$$$ لو كنت ف الصحراء يا ترى تتوقع تلاقى فيها ايه؟ياترى حتعيش فيها ولا ؟وتحب تلاقى فيها مين؟

اتوقع الاقي فيها الحشرات و العقارب و الثعابين و طبعا مش هعيش فيها ايه اللي يعيشني فيها ان شاء الله لو في هناك نت ممكن افكر و الاقي فيها مين ؟! دي صحرااااااا ههههههههه

اقتباس :

$$$ وقت حضرتك بيمر ازاى "تنظيمه"؟

للأسف حاليا بيمر في النت و الصلاه و عمل اوراق الجيش فقط لا غير
لكن نفسي يدخل فيهم وقت كبير جدا لمذاكرة الانجليزي و دا اللي هيحصل بأذن الله قريب اوي و يمكن بكره و حاليا مافييش اي تنظيم اساسا للأسف بس بدعي ربنا يكون في

اقتباس :

سابع فقره

### ايه البصمه اللى حضرتك تحب تعملها والكل ياخد بيها؟

ماتديش الفرصه لحد انه يشيلك ذنوب حتى لو كنت انت بتفعلها (مع عدم تبرير خطأ فعلك لها)
مثلا يعني انت بتسمع اغاني و عارف انها حرام و مش مبطلها
ليه تدي اغاني لصحابك عالموبايلات من البلوتوث ؟ ليه تدخل مواقع و ترفع عليها اغاني ؟
انا هنا في المنتدى ممكن اكون مانع حاجات كتير اوي في قوانين انا مش بعمل بيها في الحقيقه لكن ماينفعش اسمح لحد يشيلني سيئات دا اللي نفسي الكل ياخد باله منه(السيئات الجاريه)مع عدم تبرير الخطأ الشخصي زي ماقولت فوق طبعا ودا ماظنش انه نفاق او تزييف في الشخصيه فأنا اعترف ان شخصيتي في المنتدى تختلف عن شخصيتي في الواقع لكن والله بسعى بكل جهدي اني اقرب شخصيتي الواقعيه لشخصيتي بتاعت المنتدى
@@@@@@@@@@@@@

اقتباس :

اخيرا وليس اخرا

سمعنا كلمه من حضرتك ؟اى حاجه ؟

طلاما كلمة حضرتي عايزاها اي حاجه
يبقى هقول اخيرا و اخرا انا خلصت الاجابه على تلك هذه الاسئله المسليه المفيده الجذابه المثيره الطويييييله ههههههههه و في انتظار عضو ييجي مكاااااني
بس ماينفعش النقاش يبقى مفتوح و مغلق زي ماهو حادث الان
النقاش مفتوح من حيث ان عدد الاسئله غير محدد (ودا صعب بصراحه)
و مغلق لأنك الوحيده المستضيفه (المفروض الكل يشارك بالاسئله اللي عايزها)

ما شاااء الله
بجد موضوع راائع واجابات كويسه جدااا

بس الصراحه الاسئله كتيرة اوووووي

وجزاكم الله كل خير

احمد لما جه وقال رايه فيا "بلاش"

كان متضايق مني في حاجه كنت لسه عملاها وهو بيرد ع الموضوع فساعتها مكنش طايقني
وبصراحه انا كنت غلطانه
انا قومت سألته حالا وقالي كدا
وعادي يعني
بس حبيت اوضح مش اكتر

شكرا ايمان ع الموضوع

donia كتب:

احمد لما جه وقال رايه فيا "بلاش"

كان متضايق مني في حاجه كنت لسه عملاها وهو بيرد ع الموضوع فساعتها مكنش طايقني
وبصراحه انا كنت غلطانه
انا قومت سألته حالا وقالي كدا
وعادي يعني
بس حبيت اوضح مش اكتر

شكرا ايمان ع الموضوع

هههههههههههههه فعلا كنت متضايق و مخنووووق منها اوي كمان
و فرحان اوي اني ضايقتها دلؤتي مع اني ماقولتش حاجه اساسا
يالله في انتظار ردك يا فارسة الاسلام على كلامي الاخير اللي قولتهولك في رأيي في الموضوع !!

شاهدين

شاهدين يا جماعه؟
بيقول فرحان اني ضايقتها دلوءتي
طب ليه كدا طيب
لييييييييييييييييييييه
اوبعدين لاءا لاءا لاءااااااااااا
انا متضايقتش ولا حاجه
اووووووك يابرنس

الصلاه ع النبى
انتوا حتتخانقوا ف موضوعى

برررررررررررررررررررررررررررره يالا انت وهيا




مغلق لانى انا المذيعه وكل واحد ليه اسئلته يعنى الاسئله اللى حتكون لحضرتك مش زيها للعضو اللى بعدك الا اذا............؟؟؟؟؟؟؟؟؟؟


وبعدين ابو الفصاده لا يمكن اسمحله انه يطقطق على راس اى حد

فى حاجه اسمها كرسى الاعتراف هيا اللى بيسالوا فيها الاعضاء كلهم


ابو الفصاده بقا



تلارشحوا مين؟


عااااااااااااااااااااشقه الجنان؟


حوريكى يا بت عاشقه؟


ها مين يرشح معاااااااايااااااااااااا