ارجو الرد و المساعده (موضوع شخصي)

فات على الموقف دا فيما يعادل 3 شهور تقريبا
شكرا لرأيك يا كاتي و انا بس حابب اشوف لو انتو مكاني هتعملو ايه و عايز اوصلكم في نفس الوقت ان لازم نعمل اقصى جهدنا في فض جميع المشاحنات بينك يا شاب و بين كل شاب صديق لك او جارك او احد اقربائك المسلمين
و بينك يا فتاه و بين كل فتاه صديقه لكي او جارتك او احد اقربائك المسلمين

مدة طويلة اوى وفعلا الوصول للحل ميحر جدا

بس حاول وجرب معاه قبل اهلا وسهلا مقبلش انت اللى كسبت الخير مش هو

باين من كلامك يا احمد انه شخص عصبى لانه حتى مش اعطى ليك فرصه توضحلو سوء التفاهم اللى حصل بينكم وقطع الاتصال معاك من غير مايسمعك من رايئ انك تكلمو تانى احنا داخلين على شهر كريم لازم نسامح بعض و3 شهور مدة مش قليله وماظنش انه هيكلمك بنفس الطريقه بس حاول مرة كمان قبل رمضان

هي المده فعلا مش صغيره ومش من المتوقع انه بكلمك بنفس الطريقه فانا برضه من رايي تكلمه تاني وربنا يهديه ويهدينا اجمعين لما يحبه
جزاك الله كل خير ياحماده وربنا يهيألك اللي فيه الخير ليك

احمد انت مشكلتك ف حد ذاتها دعوه جميله اوى للتسامح بين اى اتنين اصحاب فى رمضان او غيره
ربنا يباركلك

بس رأى اختك الصغيره
سامحه و تعالى على نفسك و كلمه تانى سواء هو غلطان او لا
لان لو كل واحد قعد يفتكر لتانى غلطه عمركوا ما هتتلاقوا
و الدنيا مش ناقصه عشان نخسر حد

و الله يا احمد واحده صحبتى و كانت روحى كمان و من فتره اتخنقت معايا من غير اى سبب
و روحت بيتها عشان اعتذرلها و طردتنى و اتخنقت معايا تانى و غلطت فيا و ف كرامتى و كل ده من غير سبب
و حاليا من فتره لما دخلنا 2 ثانوى رجعت انا كلامتها تانى و حتى جه عيد ميلادها من 6 شهور روحتلها البيت و عادى و نسيت الوموضوع مع انها متعرفش يوم عيد ميلادى و لا حاولت تسأل

بس المهم اعمل الخير و خليك انت الاحسن و متتنتظرش شكر او اى حاجه
اعمل ل وجه الله

ده رأيى ممكن مش هيفيدك بس انا قولت اشرك عشان عيب اعرف ان اخويا عنده مشكله و مش اقف جمبه

ربنا يخليكي يا نور و انا والله هعمل فعلا كده و هكلمه و انا ناوي على دا فعلا من وانا بنزل الموضوع
بس قولت اقوي نفسي و اقوي عزيمتي بأرائكم
و اقويكم انتو كمان و كل واحد يطلع اللي عنده في الموضوع و دا اللي هيقوي ناس كتير من القراء اللي متخاصمين و ممكن يكونو في حاجات اتفه من حاجتنا دي لما يقرأو مشاكلنا هتلاقيهم اتشجعو اوي انهم يسعو في الصلح
ربنا يساعدنا يارب في كل خير و شكرا ليكم كلكم يا جماعه و ياريت اي حد عنده تجارب شخصيه في الموضوع دا يدخل و يفيدنا بيها

السلام عليكم
خليك الكبير كلموا تانى ربنا أمرنا بالتسامح رمضان قرب ابعتلوا رسالة تهنئة برمضان وبعد الرسالة شوف رده ايه مش هقدر اقول الا ربنا معاك
ان شاء الله كل الى انت بتعملوا فى ميزان حسناتك

السلام عليكم ورحمة الله وبركاته

فعلا يا احمد عارف

انا اتحطيت في نفس الموقف دا بالظبط

وبردو انا الي روحت كلمتها ورفضت تسمعني وقاطعتني نهائي

وبعد فترة مش فاكرة كانت قد اية

اتصلت بيها وكلمتني عادي زي ولا اكني كنت اعرفها ولا صحبتها

وزعلت جدا

حتى حاولت اني افهمها

بس هية قفلت الموضوع نهائي

فيوم كلمتها تاني

وكان عندها مشكلة

روحت وقفت جمبها وساعدتها ونسيت خالص الظلم الي اتظلمته من اقرب واحدة ليا

لغاية ما فتحت معايا الموضوع

وسمعتني واعتذرلتي

ورجعنا تاني اصحاب اكتر من الاول كمان


كل الي عايزة اقولة

اصبر واسعى دايما للخير

وخليك انت الافضل والاسبق في فعل الخير

وان شاء الله ربنا هيساعدك ويقف معاك

بس انت قول يارب