حكايات المنتدى

الموضوع عباره عن موضوع يومى وهيكون فيه فقرات وهيكون عامل كده زى بروجرام فى راديو او تى فى

كل يوم انا هكتب حاجه هنتكلم فيها كلنا وهنسال فيها الى هيرد طبعا

والى هيرد ممكن يدعم رده بصوره او ايه قرانيه او حديث او حكمه او اى حاجه ليها علاقه بالى احنا بنتكلم فيه

اما عن المواضيع الى هنتكلم فيها فهيه هتكون اجتماعيه رياضيه فنيه (رسم موسيقى كاريكاتير كده) اوك

الى هيقدم الموضوع هيكون دنيا ونورا ان وافقت وانا

نورا هيكونلها فقره تنزل فيها حاجه بتضحك

وبعد ما نتكلم فى الموضوع الى ممكن يستمر يوم او يومين انا هقول كفايه كده ونتفتح حاجه تانيه

وكمان هنبقى محتاجين مساعدتكم فى انكم تقولو افكار نتكلم فيها

بس فيه حاجه تانيه عايزين الردود نستفاد منها وتكون بطريقه كويسه بعيده تماما عن الفلسفه

اوك قبل ما اقول اول حاجه هنتكلم فيها احب اعرف رايكم الاول نستمر ولا نو

مبدئيا افكار الموضوع
1- الموضوع الاساسى
2- جوله صحفيه
3- حدث فى مثل هذا اليوم
4-معلومه جديده
5-حاجه مضحكه

عن نفسي الفكره عجباني اوي يا نورا و استمري
و انا متفاعل معاكي يوميا باذن الله اكيد

اووووووووك
نورا وانا ان شاء الله معاكي
بس انتي قولتي ان نور هتكون في فقره مضحكه
طب وانا ايه النظام
هل هكون في حاجه معينه زي ما حددتي لنور ولا ايه؟؟؟

وشكراااااااا لفكرتك يانورا
فكره حلوه كتير

فكره جيده وجميله
بس ارجو انها متاثرش سلبى على باقي الموضيع
ومستنين فتح اول موضوع للنقاش فيه

تاثر سلبى هاو حماده ممكن تبين اكتر
بالنسبه ليكى دنيا اختار اى حاجه من الى فوق وفيه كمان فقره اسئله كمان وفقره وصفه اكل الى يعجبك اختاريه وممكن تختارى اكتر من حاجه

نبدا اول حاجه وهيه كل واحد من الاعضاء هيدخل يعرف العضو الى قبله ويقول الى حلو فيه ويقول الى مش عجبه فيه بطريقه نقد كويسه اوكى لانه احنا ناو عايزين نعرف بعض اكتر اوكى
الى هيدخل ناو هيعرف انا طبعا

نورا انتي طيبه جدا جدا والله و زي العسل بس مشكلتك ان اللي في قلبك على لسانك دايما مهما كان
ودا في ناس ممكن تتقبله و ناس لاء

يس هيه مشكله انه صريحه جدا وبدى الى قدامى ومش بيهمنى لانه بعتبر ده شجاعه وكمان فيه عيب حلوة اوى وفظيع موت يعنى انه مبحبش اطبطب على حد غلط وهو عارف انه بيغلط علشان كده مبطبطبش على صحابى ابدا

الى بعدى يتكلم عن احمد اوكى

ايه دا يانورا طب ماتتكلمي انتي Smile

اوكى انت حد جد بس من غير تعصب ممكن تكون فى مواقف كتير عصبى بس فى اغلب الاوقات طبعك هادى بتحب تساعد الى حاوليك
بتقدر تتحمل مسئوليه وممكن تشيل زياده عليك
فيك شئء من الغموض طموح وعايز تكون حاجه
الحاجه الى مش عجبانى انك ممكن تسكت ده وده بالكلام لمجرد تريح نفسك
بس ده كله توقعات

م أعرفهاش أوي بصراحه بس من خلال كتابتها شايف إنها بتتفهم غلط من الناس بسبب إنها بتقول رأيها بحده بس أكيد طيبه لأنها رغم أرائها دي كل صاحب موضوع بيستني تقول رأيها في موضوعه.

ميدو لو بتتكلم عليه انا مفهمتش حاجه بصراحه

ناو نبقى خلصنا فقره التعارف وهنزل فقره جديده قصه قصيره بتبين تضحيه الام

حكايات المنتدى 49777103

خبر ناو من البيت بيتك وزير الصحه قال ان الدراسه هتكون 3\10

ميدو كان بيتكلم عليكي يا نورا

ياااااااااااااااااااااااااااااااااااااااه يا نورا بجد قصه اكثر من رائعه
بجد حلوه قوى قوى
ربنا يخليلى مامتى يا رب
ويا رب ميحرمش حد من مامته يا رب

يارب اكيد يا سلوان الام حاجه عظيمه
لقد أكد الاسلام الوصية بها وجعلها تالية للوصية بتوحيد الله وعبادته

وذلك في مثل قوله تعالى : ( ووصينا الإنسان بوالديه حملته أمه وهناً على وهن وفصاله في عامين أن اشكر لي ولوالديك إلي المصير ) , ( ووصينا الإنسان بوالديه إحسانا , حملته أمه كرها ووضعته كرها , وحمله وفصاله ثلاثون شهراً ) .

حتى الجهاد , إذا كان فرض كفاية لا يجوز إلا بإذنها , فإن برها ضرب من الجهاد .
جاء رجل إلى النبي صلى الله عليه وسلم فقال : يا رسول الله , أردت أن أغزو , وقد جئت أستشيرك , فقال :« هل لك من أم » ؟ قال : نعم . قال : « فالزمها فإن الجنة عند رجليها ».

من اقوال الرسول
جاء رجل الى رسول الله صلى الله عليه وسلم وقال يا رسول الله من أحق الناس بحسن صحابتى ؟
قال أمك .
قال ثم من ؟
قال أمك .
قال ثم من ؟
قال أمك.
قال ثم من ؟
قال أبوك.

بتمنى تكون الاضافات مفيده

قال رسول الله صلى الله عليه وسلم

(الجنة تحت أقدام الأمهات)

وَاخْـضَـعْ لأُمِّــكَ وأرضها
فَعُقُـوقُـهَـا إِحْـدَى الكِبَــرْ

( الإمام الشافعي )

الأُمُّ مَـدْرَسَــةٌ إِذَا أَعْـدَدْتَـهَـا
أَعْـدَدْتَ شَعْبـاً طَيِّـبَ الأَعْـرَاقِ

الأُمُّ رَوْضٌ إِنْ تَـعَهَّـدَهُ الحَـيَــا
بِـالـرِّيِّ أَوْرَقَ أَيَّـمَـا إِيْــرَاقِ

الأُمُّ أُسْـتَـاذُ الأَسَـاتِـذَةِ الأُلَـى
شَغَلَـتْ مَـآثِرُهُمْ مَـدَى الآفَـاقِ

( حافظ إبراهيم )

لَيْـسَ يَرْقَـى الأَبْنَـاءُ فِـي أُمَّـةٍ مَـا
لَـمْ تَكُـنْ قَـدْ تَـرَقَّـتْ الأُمَّـهَاتُ

( جميل الزهاوي )

العَيْـشُ مَاضٍ فَأَكْـرِمْ وَالِدَيْـكَ بِـهِ
والأُمُّ أَوْلَـى بِـإِكْـرَامٍ وَإِحْـسَـانِ
وَحَسْبُهَا الحَمْـلُ وَالإِرْضَـاعُ تُدْمِنُـهُ
أَمْـرَانِ بِالفَضْـلِ نَـالاَ كُلَّ إِنْسَـانِ

( أبوالعلاء المعري )

الحاجات الى نزلتها حلوة اوى احمد اول مره اعرف كتير منهم

نكمل كمان شويه مع القصه وبعد كده ننزل حاجه جديده

اوك نورا ندي فرصه للي مشاركش يشارك معانا
وبجد فكرة الموضوع حلوه كتير

نورا انا كدا هكون مسئوله عن فقره اسئله واجوباتها
ومعلومه جديده
اووووووووووك
ومجرد ما تخلص فقره القصه
هنزل انا الجديد
تماااااااااااام؟

ناو يوم جديد لحكايات المنتدى وهيكون بالجوله الصحفيه

حكايات المنتدى 98199323

انتهت الاخبار يا رب تكون عجبتكو وتكون نازله بطريقه كويسه

هو الموضوع ده ملغبط أوي أنا شايف إن كل حاجه هتتكتب فيه ليها قسم موجود فعلآ في المنتدي يعني الأخبار ليها قسم النقاشات ليه قسم وكده يعني...بصراحه موضوع غريب شويه .

مش ملغبط ولا حاجه كل يوم هنزل الحاجات الى قولنا عليها وده ميمنعش انها تنزل فى اقسامها برضو هو بس او ما نزلته هو الى لخبطكو شويه لكن على ما اعتقد اتظبط شويه هيه مجرد فكره يا اما تعجبكو ونفضل ننزل المواضيع يا اما عادى نمسحه ايه المشكله وعلشان الى مضايق منه احنا هنجربه لمده اسبوع ونشوف لو فضل مش عجبكو نمسحه ايه المشكله فى كده

ناااااااااااااااااااااااااااااايس توبيك
احلى حاجه انك اخترتيلى حاجه فااااانى
برافو نورا حكايات المنتدى 558572

و ان شاء الله اكون عند حسن ظانك

بصراحه انا مش شايفه انكوا لما بتنزلوا حاجه بتستنوا الكل يرد
انتوا عملينه لنفسيكوا ولا ايه

ok
هبين نورا وجهه نظري بوضوح
انا شايف ان الموضوع دا منتدى داخل المنتدى
بمعنى اننا هنتكلم ف1- الموضوع الاساسى
2- جوله صحفيه
3- حدث فى مثل هذا اليوم
4-معلومه جديده
5-حاجه مضحكه
وانا شايف ان كل موضوع هنتكلم فيه ممكن يبقي موضوع فقسم خاص بيه لوحدو
(الموضوع الاساسى_2- جوله صحفيه _3- حدث فى مثل هذا اليوم)
وممكن يبقي قسم خاص لوحدو(-معلومه جديده_5-حاجه مضحكه)
وانا شايف ان دا يقتل موضيع ممكن تنزل هتكون اتنقشت هنا واقسام هتقل زى الضحك
دى وجهه نظرى وارجو المناقشه البنائه

اما معاك يا حماده وده فعلا اللى هيحصل
لانه مليان جدا وكبير عن اى موضوع تانى بينزل ويتناقش
كده فعلا هتلغى مواضيع واقسام محدش هيجى جمبها
وهيبقى الموضوع هو بس اللى يهمتم بيه اى حد يدخل
وده غلط لان المنتدى مش موضوع واحد
وبصراحه ده رايى ويا ريت محدش يزعل منه

ولا فيه اى بروبلم نمسحه

نووووووووووو انا مش مع ارائكم نهائي و رأي واحد ولا اتنين لا يعني رأي المنتدى كله يا نورا
انا شايف ان اللي بيحط افكار هي نورا بس
و يوم ماهينزل فكره تخص قسم معين هتكووون بتاع كل اسبووع مره
كلامك يا سلوان انتي و محمد يكون صح لو كلنا بنزل في الموضوع
انما دي هي نورا بس اللي هتنزل و كمان مواضيع فرعيه
يعني ادينا اتكلمنا عن الام لو انا عاوز نتكلم تاني عن الام في القسم العام مش هتكلم.؟؟؟
طبعا دا غلط
لو نزلنا موضوع حدث في مثل هذا اليوم كل اسبوع ولا اسبوعين مره هي اللي هتنزله
ودا ولا في اي اهتمام عنه في المنتدى كله اساسا
وزي ما حصل نورا حطتلنا هنا خبر ان الدراسه تلاته عشره لما جه ميدو نزل موضوع بالحوار دا روحت اولتله لا دا موضوع مكرر؟؟؟؟ لاء طبعا هنا بناقش عناويين هناك في المواضيع هيكون موضوع كامل يخص حاجه زي كده
عمر ما الموضوع يأثر عالمنتدى ابدا لان مش كلنا بنحط فيه دا هو عضو واااحد و كمان هو ذات نفسه مستمر في باقي الاقسام
استمري يانورا انا عن نفسي بجد عجباني موووت فكرة البرنامج و انا طبعا احترم رأي سلوان و محمد طبعا بس مش لازم الموضوع يعجب الجميع اسف جدا عالاطاله

» حكايات عم ايوب المسحراتى
» محكمة المنتدى
» طلب من شعرا المنتدى
» مايك المنتدى.
» ثلاثه اعضاء خطيرين على المنتدى