عشرين جمله 95% من شباب مصر بيقولوها للبنات

-حبيبتى انتى عارفه انا مش بحب حركات الشباب الطايش انا اصلا مبكلمش بنات1

(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات

(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد

مخلوقين لبعض

(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك

فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير (طبعا فاهمين الحركات دى تلاقيه مش عاجبه اساسا)
8-هكلم باباكى اول ماكًون نفسى

(موووووووووووت يا حمااااااااااار)

9-عايز اشوفك كل يوم كل ساعه كل ثانيه

(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل

(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره

(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها

1- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

3- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل

4- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان

7- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)

بجد انا الموضوع ده
عجبنى جدا قلت لازم اوريهولكوا
ومستنيه اعرف ارائكم

جامد مووووت يا سلوان
بس على فكره انا من الخمسه في الميا الباقيين طبعااااا ههههههههههه

بس على فكره مش 95 دي نسبه كبيره جدا لا يمكن تحملها ابداااا Sad

هو ممكن يحصل الكلام دا بس بيبقى قليل على فكره مش كتير كمان وزي ما بيحصل من البنت كمان نفس الحوارات دي Wink

ميرسى يا احمد
وبيحصل كتير والله
شكرا ليك

ههههههههههههههههههههه
الموضوع لذيذ جدا
وانا معاكى ف الرأى ده
بس بتهيألى انه لحد سن معين للولاد 25 سنه
وبعد كده بينضك وبيدور على شريكة حياته
والله اعلم

ميرسى يا ايمان
شكرا لمرورك

ههههههههههههههههه
موضوع جميل جدا يا قطه وفعلا هما دول الشباااااب
Very Happy

بس مانكرش ان فعلا زي ماحمدد قال في بنات بتعمل كده بردو و بتضحك عالشباب

هههههههههههههههههههههههههههههههههههههههههههههههههههههههههههههههههههههههههههههههه
لية بس كدة هو احنا وحشين اوى كدة
Crying or Very sad

انا مش هقلكوا ما حصلشى بس بصراحة انا كنت بعمل كدة بس حقيقى بقالى كتير ربنا تاب علية وعلى فكرة دة بيبقى فى سن المراهقة فقط عند الشباب الطبيعيين
وعلى فكرة البنات هما اللى بيخلونا نعمل كدة بس بردوا مش كلهم فيهم ملايكة واللة ومحترمين اوى

ميرسى ليالى كتير
ميرسى لمرورك يا قمر

ميرسى يا شيكو
شكرا لمرورك

هههههههههههههههههههههههههههههههههههههه
لا
دا الكلام دا موجود وبنتشتم وانا معرفش
لالالالالالالا
طبعا البنات هى اللي كدا مش الولاد
وخلاص يسلوان مفيش نيو نيو
من دلوقتى
هو هووووووووووووو

ههههههههههههههههههههههههههههههههه

هههههههههههههههههههههههههه
بتنكروا ليه ايوه انتوا كده
مش فاهمه ايه الهجوم ده
ومفيش نو نو نو نااااااااااو كمان
هو احنا بنخاف

من قرائتي للتعليقات كلها والموضوع طبعا عايز اقول حاجه واحده
ان البنات بجد شايلين مننا اوي ربنا يستر ومنسمعش عن سفاحه بنت قريب
ههههههههههههههههههههه
شكرا علي الموضوع

ههههههههههههههههههههههههههه
متقلقش يا اسلام مش للدرجه دى
وميرسى ليك على مرورك

لا عادي مش قلق بس بجد بحس ان البنات بقت من جوا لينا مش حلو
علي العموم شكرا لاهتمامك

العفو يا اسلام
بس احنا مش شايلين ولا حاجه
بس ما هناك ان انتوا بقيتوا
بتستهونوا بينا بس

معا أحترامى ليكى يا سلوان بس انا مش معاكى فى الرأى دة
انا معاكى ان كل الكلام دة بيحصل بس فى حالة واحدة بسأن يكون الشخص دة عيل مش راجل
و معتقدش أن فى بنت هترضى انها ترتبط بعيل مش براجل
و البنت هيا اللى بتدى الولد فرصة انه يعمل فيها أكتر من اللى انتى كاتباة
و يا ريت يا جماعة أعرف رأيكم فى كلامى و خصوصآ انتى يا سلوان علشان انتى اللى كاتبة الموضوع
ميرسى ليكى طبعآ على النقاش دة

شكرا ليكى ياسلوان على موضوعك الجميل
وطبعا هو موضوع واقعى جدا وبيحصل كتييييييييييييييييييييربس من الطرفين
بس انا بعار ضك يا رامى لان فى بنات كتير بتتظلم منكم اوى
لانكم بصراحة 95% منكم اندال وسورى فى اللفظ
وده مش علشان البنت بتديله الفرصة زى ما انت بتقول
خالص الغالبية ومش كل البنات
وطبعا الاختلاف فى الراى لايفسد للود قضية

سورى يا رامى انا كمان بعارضك
انا مع مونى انتوا كتير بتظلمونا
اينعم فى بنات كده بس انتوا الاغلبيه
منكم كده وبجد شكرا ليكوا انتوا الاتنين
ميرسى رامى كتير& ميرسى مونى كتير

طب انا عايزكم تدونى مثال على ظلمنا ليكوا
و طبعآ يا مونى الاختلاف فى الراى لايفسد للود قضية
بس نشوف فين غلطنا الأول
يعنى شوفى البنت بتعمل أية يخلى الولاد يقولولها كدة

طب انتوا ليه تمشوا ورانا
ما تخليكوا فى حالكوا واتقوا ربنا
ولا ايه رايك

أولآ انا الحمد لله عمرى ما مشيت ورا بنت
ثانيآ معظم البنات هيا اللى بتدى الولد فرصة انو يمشى وراهم
يعنى دة غلط مشترك
شوفوا غلط غير دة

طيب قولى يعنى ايه
ان البنت هى اللى بتدى فرصة للولد انه يمشى وراها
انا لااعتقد انه فى حد محترم يعمل كده ولا بنت ولا ولد
بس ده نادرا ما يحدث
والله اعلى واعلم

بصى البنت هيا اللى بتدى الولد الفرصة انو يمشى وراها عن طريق حاجتين
أول حاجة أخلاقها
و التانية لبسها
معتقدش أن هيكون فية واحدة محترمة و لبسها محترم و الولد هيمشى وراها إلا فى حالة واحدة
أن الأنسان دة يكون مش محترم أو مريض علشان يفتكر أن هوا كدة بيعمل حاجة صح

كلامك صح يرامى بس دا اى ولد متربي
بس للاسف الواحد فعلا بيشوف بعينو ولاد بتعاكس بنات ف منتهى الاحترام
ودا انا اعتقد انو عيب البيت
اللي طلع ولد مش محترم كدا ولا عامل اعتبار لاخت ولا ام ولاحتى بنتو فيما بعد
انا نفسي افهم لاه المضايقات وغالبا وا تنتهى بخناقات عنيفه
لو اى واحد يحط فدماغو انا نازل النهاردا وفي اعتباري كل البنات اخواتى هتلاقي الحياه اجمل بكتير
اللي عاوز مساعده هيلاقي وبنتنا هتحس بالامان
وربنا يسترها مع بنات المسلمين اجمعين

عندك حق يا سلوان فى كل حاجه
والنسبه دى فعلا صحيحه
ههههههههههههههههههههههههه
المشكله انه بيبان فى الاول انه راجل وبعد كده يظهر عيل

ميرسى مروه لمرورك

شكرا ليك يا بركه
وكلامك صح الحمد لله لقينا حد معانا
اما بالنسبه ليك يا رامى فطبعا رايك يحترم
ودى وجهه نظرك والاختلاف فى الراى
لا يفسد للود قضيه
وشكرا ليكى يا مونى كتير

شكرا ليكى انتى يا سلوان على الموضوع الهايل ده
انا بس ليه تعليق على كلام حمادة
انت كل اللى قلته صح ماعدا انه يكون عيب البيت
لانه فى ناس كتير بتلابى كويس جدا وباخلاق
ومجرد ما الاخ او الاخت يتصاحب على ناس مش كويسة ضاعت التربية فى لحظات
يبقى منحطش اللوم على الاباء حررررررررررررررررررررررام

ماشي يمونى بس انا محتطش اللوم ع اولياء المور بس
لاكن بقول انهم هما اللي ليهم دور الاكبر على سلوك الفرد
اما طبعا زى مانتى بتقولى ممكن الاصحاب بردو يفسدوه
لكن لو فكرتى ما دا يبقي عيب منهم انهم هما اللى مخلينو مستمر معا اصدقائو دوا

» سؤالين واحد للبنات وواحد للشباب
» اجمل 38 جمله فى العالم
» تشكيله للبنات
» برنامج على فين يا شباب للدكتور / حازم شومان لشهر رمضان المبارك
» معانى اسماء للبنات