السلام عليكم ورحمه الله...
احب انبه اخواتي في الله بالتنبيه اللي نبهته لنفسي اولا والله
وهو اننا كلنا طبعا لما بنقعد على المنتدى دا ونندمج ونبحث ربما حتى كتير بنبحث في مواضيع اسلاميه عشان ننزلها ع المنتدى وناخد ثواب وفي حين ما احنا بناخد ثواب ممكن نرتكب ذنب كبير زي ما حصل معايا كدا النهارده
وهو اني كنت قاعده ببحث في مواضيع اسلاميه عشان انزلها ع المنتدى وطبعا هدفي زي هدفكو كلكو وهو اني اخد ثواب
وطبعا قعدت كتيييييييييير انزل في مواضيع كتيره ونقاشات للافاده وناسيه خاااااااالص اني مصلتش ومفوءتش غير قبل العشاء باربع دقايق وكاني والله كنت في عالم تاني وكنت ناسيه خالص وكمان وانا بصلي المغرب العشاء ادن
واديني طبعا اخدت ذنب تاخير الصلاه
ربنا يغفرلي ويغفرلكم جميعا
بس فحبيت انبهكم ان ياريت المنتدى ميلهيناش عن فروض لازم ناديها في وقتها
وما هذا المنتدى الا لياخد بايدينا ويقربنا اكتر لربنا مش عشان يلهينا عن فروض لو مادنهاش هناخد ذنب عليها
واحمد طبعا اكيد عامل المنتدى عشان ياخد ثواب وعشان يدينا كلنا ثواب مش عشان ننسى نفسينا ونتلهي عن الصلاه اللي هي فرض
فلازم بجد يا جماعه اي حد فينا يكون قاعد ع المنتدى اول ما يسمع الاذان يسيب اللي في ايده ويقوم يصلي على طول
واتمنى ان ربنا ينفعنا بما علمنا ويعلمنا ما ينفعنا ويغفر لنا ان نسينا او اخطأنا
ومعلش طولت عليكم
جزاكم الله كل خير