سؤال لكل عضو في المنتدي ؟ارجو الاجابه

بسم الله الرحمن الرحيم

ارجو علي كل من يقراء هذا السوال يقوم الاجابه عليه ان استطاع

السؤال

لماذا نحب محمد بن عبدالله رسول الله
( عليه الصلاه والسلام)

وانا هبتدي بنفسي واقول جزء من اسباب حب الرسول في قلبي
السلام عليكم ورحمة الله وبركاته
لماذا نحب رسول الله صلى الله عليه وسلم ..؟
لماذا أيها العبد تحب رسول الله ..؟
تامل معي الأسطر القليلة القادمة وستُجيبك على هذا السؤال .. تابع ولا تُمل..

لماذا نحب رسول الله صلى الله عليه وسلم ..؟

لأنه يحبنا ولولاه لهلكنا ومِتنا على الكفر وإستحققنا الخلود في النار .. به عرفنا طريق الله وبه عرفنا مكائد الشيطان ، شوقنا إلى الجنة ..ما من طيب إلا وأرشدنا إليه .. وما من خبيث إلا ونهانا عنه .. ومن حقه علينا أن نحبه لأنـــــه :.1

1 _ يُحشر المرء مع من أحب :جاء إعرابي إلى النبي صلى الله عليه وسلم فقال .." فقال متى الساعة .. قال رسول الله ماذا أعدت لها ..؟ قال إني أحب الله ورسوله .. قال أنت مع من احببت ".بهذا الحُب تلقى رسولل الله صلى الله عليه وسلم وتشرب الشربة المباركة التي لا ظمأ بعدها أبداً .

كمال الإيمان في محبته :
قال صلى الله عليه وسلم " لا يؤمن أحدكم حتى أكون أحب إليه من ولده ووالده والناس أجمعين ) صحيح
قد تمر علينا هذه الكلمات مرورا عابراً ..لكنهالم تكن كذلك مع رجل مثل عمر بن الخطاب رضي الله عنه الذي قال ..’’ يا رسول الله لأنت أحب إلىَّ من كل شيء إلا من نفسي ‘‘ .. فقال النبي صلى الله عليه وسلم .." لا والذي نفسي بيده حتى أكون أحب إليك من نفسك " .. فقال عمر رضي الله عنه.. ’’ فإنه الآن والله لأنت أحب إلىَّ من نفسي‘‘ فقال النبي صلى الله عليه وسلم .." الآن يا عُمر "..صحيح .
__________________

خير الانام وحبيب اللة وشفيعنا يوم القيامة فكيف لا نحبة
اللهم صلى على سيدنا محمد عدد خلقك ومداد كلماتك

عليه الصلاه والسلام
سؤالك جميل اوى ياسلام ويخلى الواحد يفكر فعلا
وزى ما الخلق اجمعين يقولو انه رسول الله فمن يحب الله فعليه ان يحب رسوله
وزى مانتا كتبت الاحاديث
قال صلى الله عليه وسلم " لا يؤمن أحدكم حتى أكون أحب إليه من ولده ووالده والناس أجمعين ) صحيح
ونحن جميعن نتمنى ان نكون مؤمنين عند الله عز وجل

انا بصراحة مش عارفة اكتب ايه
غير انى بحب الرسول عليه الصلاة والسلام جدا
ونفسى كمان انى اسير على خطاه المستقيم
وربنا يهدينا جميعا
وانا بصراحة عمرى ما سالت نفسى الؤال ده
بجد شكرا يا اسلام على سؤالك

قليل اوي مننا اللي هتلاقي رده مقنع في الموضوع دا يا اسلام
بس انا هقولك الصراحه
اكيد كلنا هنقول بنحبه و الكلام دا كله و اكيد بنحبه فعلا
بس انا و انت و كل واحد فينا يوم ما بيحب مامته و باباه بيكون الدليل على حبه دا انه مثلا بيسمع كلامهم
احنا ايه الدليل على حبنا ؟؟؟؟؟؟ عملنا ايه يدل على اننا بنحبه؟؟؟؟؟ بنسمع كلامه؟؟؟بنمشي على سنته و اوامره و نواهيه؟؟؟؟
ربنا يهدينا جميعا يارب بس ماحدش فينا يقدر يقول انه مش بيحبه بس فين الدليل؟؟؟؟؟؟؟مش هتلاقي حد عنده الدليل

ايه ياجماعه اتمنى اشوف ردودكم على كلامي؟؟؟
ياترى هو بالايجاب و الموافقه معايا على رايي ولا في حد رأيه غيري؟؟؟؟

بص يا أبوحميد في أثناء الهجمات "الغبيه" التي تعرض لها رسولنا الكريم_صلي الله عليه و سلام_ من الرسومات الدنماركيه..خرج الناس في مظاهرات و صراخ و تنديد و شجب مرددين عبارات رننانه أمثال(بأبي انت و أمي يا رسول الله)_ و بالمناسبه أول من قال هذه الكلمه هو سيدنا أبو بكر الصديق "رضي الله عنه" حينما هاجر مع الرسول و كان يمشي تارة علي يمينه و تاره علي يساره و تاره أمامه فسأله النبي لما تفعل ذلك يا أبا بكر؟ فقال له حتي أمنع عنك أي أذي قد يصيبك من قبل المشركين فيأتي في و تنجو انت يا رسول الله.......هو ده الفرق سيدنا أبو بكر فعله سبق كلامه مش العكس.
مره كنت راكب أتوبيس لقيت فيه ورقه ملزوقه مكتوب عليها كلمه تلخص كل الكلام وهي ((لو عايز نصرته..طبق سنته)) أتمني إني أكون قدرت أعبر عن اللي جوايا و أؤيد كلام أحمد.....أسف يا إسلام عن الإطاله

قال تعالي
قُلْ إِنْ كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّى يَأْتِيَ اللَّهُ بِأَمْرِهِ وَاللَّهُ لَا يَهْدِي الْقَوْمَ الْفَاسِقِينَ

وقال رسولنا الكريم
صلى الله عليه وسلم " لا يؤمن أحدكم حتى أكون أحب إليه من ولده ووالده والناس أجمعين

يارب حمدا ليس غيرك يحمد يامن له كل الخلائق تسجد
المذنبون بنور وجهك أمنوا عافوا بوجهك نومهم فتهجدوا
قالوا الهوي والحب هل تعنوا له أم أنك في درب الهوي متجلد
قلت المحبه للذي حمل الهدي فحبيب قلبي في الحياه محمد

سؤال اسأل الله ان يجعله في ميزان حسناتك متوكل

طبعااااااا بعد كلام داادى انا مقدرش أقول حاجه

هو جابلنا المفيد كله

وأظنها احسن اجابه يا متوكل

بسم الله الرحمن الرحيم

في البداية الموضوع دة جميل جدا بس لازم كل و احد يواجه نفسه يعنى كلنا بنقول احنا بنحب الرسول ماشى اية اللى يدل على كدة غير الكلام هل احنا ملتزمين بتعاليمه و بالدين الاسلامي هل احنا بنفذ سنته و بنلتزم بالاحاديث النبوية طيب عملنا اية علشانه هل حد فينل فكر انه ينشر الاسلام سيرا على طريق المصطفي كل دي اساله وغيرها كتيييييييييير كلنا نعرفها و مش محتاجين ان حد يقولها لينا علشان نعرف احنا بنحب الرسول صلى الله عليه و سلم و لا لو كل واحد فينا جاوب عليها اكيد ها يعرف ....

الموضوع جميل بجد
وكمان السؤال دا صعب جدا
هو احنا كلنا بنحب الرسول علية الصلاة والسلام اكيد
بس هو انا عاوزة اعرف هو احنا لو مش بنطبق السنة نبقى كدا مش بنحبة
انا بجد محتارة
بس احنا ساعات مش بنسمع كلام ماما وبابا يبقى احنا مش بنحبهم .لا بنحبهم
هو صحيح دليل على الحب
بس احنا بالفطرة بنحب الله ورسولة
بس الحب دا بيظهر باتباع السنة
انا اسفة انى طولت بس انا فى اول الموضوع مش كنت عارفة اجيب على السؤال دا بجد

لا الفكرة اننا كلنا بنقول اننا بنحب الرسول ومش بنفذ اوامرة يعنى مثلا واحدبيقول انا بحب النبي وبعدها على طول يشوف بنت حلوة ويعاكسها يبقي انا كدة بحيه اومر النبي هى اكيد اوامر من ربنا ومفيش فيها فصال ومش شرط اننا ننفذ كل سنته لانها اختياري بس على الاقل نكون ملتزمين يابسط الامور اللى هي اعمدة الاسلام الخمس واكيد كلنا عارفين الحديث بنى الاسلام على خمس يعنى من غيرهم مفيش اسلام صحيح على الاقل الصلاة بس

» اختاروا سؤال من بين 23 سؤال امامكم واجيبوا عليه
» سؤال واحد ليك و سؤال واحد ليكي (نقاش جامد مووت)
» موانع الاجابه العشره
» سؤال وجواب
» سؤال من استاذ لتلميذه