بسم الله الرحمن الرحيم
طبعا كلنا عارفين ان في حاجه اسمها سحر ودا ذكر في القرأن فيقول تعالي:{سَحَرُواْ أَعْيُنَ النَّاسِ وَاسْتَرْهَبُوه ُمْ وَجَاءوا بِسِحْرٍ عَظِيمٍ} [الأعراف:116]
وعن حكاية سيدنا موسى : { يُخَيَّلُ إِلَيْهِ مِن سِحْرِهِمْ أَنَّهَا تَسْعَى } [طه:66]
وبنسمع بردو عن السحر الاسود و السحر الابيض والحقيقه انهما الاتنين سحر زي كده الكدب مفيهوش كدب ابيض وكدب اسود بس السحر الابيض قالو عليه كده لان السحره كانو بيستخدمونه لاعلاج واصلاح المشاكل والحاجات الكويسه اما السحر الاسود فكان بيستخدم في الشر فيستخدم لقتل او تعذيب انسان.
وكانت بدايته على يد ساحر من بلاد الفرس يدعى ( زوروستر ) وذلك قبل ظهور المسيح بحوالي خمسة آلافسنة .وهو الي وضع اسسه وقواعده الي مشي عليها السحره بعده.
والسحر مكنش مشهور في مصر بس ، بس الكاهنه المصريين كانو بارعين فيه عشان كده اشتهر اوي سحر المصريين القدماء ولعنه الفراعنه الي محيره العالم كلو.
وكان من اشهر واعظم ملوك مصر السحره الملك( نيكتايبس ) فقد كان ساحرا كبيرا بارعا في سحره.
وكان السحر عند الفراعنه بيعتمد ع تطور حركات القمر وع الكواكب السماويه السبعه وهما ( الشمس ، القمر ، الأرض ، عطار ، الزهرة ، المريخ ، المشتري ) ، وكانت تشكل السماوات السبع في معتقداتهم. وع فكره ارتباط السحر بالفلك من اسباب ازدهار الفلك عندهم.
وطبعا كان السحر بالنسبه ليهم مهم جدا فبيه بيقدروا يحافظو ع قبورهم من اللصوص .وكلنا عارفين متون الاهرام.
واكد الكثير من الباحثون ان الرسوم الغريبه المنقوشه في قبور الفراعنه كانت معموله بقصد سحري.
وفي قصص كتير غريبه حصلت للناس الي فتحت القبور دي زي مثلا الي حصل لمكتشف مقبره (توت عنخ امون) اللورد كانارافون حيث انه عانى الكثير من المشاكل أدّت في آخرا الى وفاته !
وقصه اخري خاصه بتابوت داخلي دقيق الصنع يوجد في المتحف البريطاني لمومياء مصرية كانت إحدى أفراد العائلة المالكة وهي من عداد الكاهنات ، فقد اشترى هذا التابوت المستر " دوغلاس مواري " لنقله الى منزله بلندن ، لكن الي حصل أن المستر دوجلاس أصيب برصاصة من مسدسه وهو ينظفه ، وتوالت المصائب على كل من تعامل مع هذا التابوت ، الى أن قامت شركة تهتم بالآثار المصرية للبحث في مشكلته ، فكلفت أحد مصوريها بالتقاط الصور لهذا التابوت من كل جوانبه ، إلا أن هذا الأخير قد تعرض لحادث بُترت على أثره أصابع يده.
وفي حكايات كتير عن السحر عند الفراعنه حقيقي ممتعه زي مثلا حكايه سيدنا موسي والسحره.
وبردو القصه الشهيرة الي فيها فوجئ الكاهن بخيانة زوجته له فانتظر إلى أن نزل الشاب الخائن إلى المياه ليغتسل، وقام الكاهن بوضع تمساح صغير من الشمع في الماء سرعان ما انقلب إلى تمساح ضخم افترس الشاب.
وقصة الملك «سنفرو» والد الملك «خوفو» مع الساحر الذي شق له المياه لكي تعثر فتاة على سوارها الذي سقط في المياه.