pure_heart مشرفة الخيمه الرمضانيه
عدد الرسائل : 346 تاريخ الميلاد : 30/06/1990 العمر : 33 العمل/الترفيه : طالبه بكليه الطب جامعه المنصورة تعرفت على المنتدى من : مدير المنتدى رأيك بالمنتدى و اقسامه؟ : مقبول تاريخ التسجيل : 11/09/2009
| موضوع: حبيتك لالتزامك السبت يوليو 24, 2010 1:29 pm | |
| حبيتك لإلتزامك . . . . . . . . . . . . حبيتك لاحترامك حبيت فيكي التواضع . . . . . . . . . . . . والعزة اللي ف كلامك مبسوط منك لأنك . . . . . . . . . . . . إسلامك كل همك أنا أصلي قابلت بابا . . . . . . . . . . . . واداني فكرة عنك وسألته عن طباعك . . . . . . . . . . . . إن كانت يعني هادية فحكالي عن سماعك . . . . . . . . . . . . لكلامه وانت راضية وازاي بتسلي نفسك . . . . . . . . . . . . بذكرك وانت فاضية وحلاوة صوت تلاوتك . ... ....... . . وازاي بتكوني شادية * * *
وسألته إن كنتي فاهمة . . . . . . . . . . . . معنى كلمة زوجين قالي هتكونوا ورقة . . . . . . . . . . . . مطبوعة نسختين غني كنت أو فقير . . . . . . . . . . . . ليك عند بنتي دين سرك هيكون في بير . . . . . . . . . . . . معرفش مكانه فين تفضل دايماً كبير . . . . . . . . . . . . في نظرها حبتين لو جيت بفلوس كتير . . . . . . . . . . . . تطمن جت منين * * *
هتكون دايماً معاها . . . . . . . . . . . . سيرتك هتكون هواها والشوق اللي ف خيالك . . . . . . . . . . . . تلقاه لحظة لقاها لو جيت زعلان ف مرة . . . . . . . . . . . . إرمي همومك وراها ومهما شوفت بره . . . . . . . . . . . . مش هتشوف مستواها واطمن يابني خالص . . . . . . . . . . . . عقلها مافيهوش تفاهة وزي ما هي بنتي . . .. . . . . . . . . . بنت حماتها وحماها * * *
وسألته عن ولادي . . . . . . . . . . . . منك هيكونوا إيه؟ قاللي هيكونوا عادي . . . . . . . . . . . . فسألته يعني إيه؟! قاللي العادي إللي كان . . . . . . . . . . . . عند الناس من زمان العادي بتاع سراقة . . . . . . . . . . . . وحذيفة بن اليمان العادي بتاع أسامة . . . . . . . . . . . . وابن الحكيم لقمان ده العادي بتاعنا إحنا . . . . . . . . . . . . بنربي عليه عشان لو جينا ولا رحنا . . . . . . . . . . . . هنقابل الرحمن عمرك ما تخاف عليهم . . . . . . . . . . . . ولادك في الأمان أنا بنتي هتربيهم . . . . . . . . . . . . ع السنة والقرآن هتشوف ابنك بيصحى . . . . . . . . . . . . مادام سمع الأذان ينزل في الفجر يقرا . . . . . . . . . . . . بالسجدة والانسان هتشوف في حجاب بناتك . . . . . . . . . . . . العفة والإحسان هتشوف إزاي مراتك . . . . . . . . . . . . هتعينك إنت كمان * * *
وسألته عن حياتك . . . . . . . . . . . . من قبل الالتزام قال أتذكر في ليلة . . . . . . . . . . . . مش فاكر أنهي عام أذان الفجر أذن . . . . . . . . . . . . وقالتلي سيبني أنام فدخلت الأوضه جوه . . . . . . . . . . . . أجيب منها الحزام وعبال ما رجعت تاني . . . . . . . . . . . . كات رجعت ف الكلام الله يجازي الشيطان . . . . . . . . . . . . خلاها تقول أنام بس اطمن خلاص . . . . . . . . . . . . دلوقتي بقت تمام! * * *
قلتله طيب ياعمي . . . . . . . . . . . . يسعدني أقولك إني بطلب بنتك ونفسي . . . . . . . . . . . . تناسبني وترضى عني راح شادد فجأه لبسي . . . . . . . . . . . . وقلب وشه وسألني * * *
حافظ كم جزء يابني . . . . . . . . . . . . وقاري كم كتاب احكيلي كده عن مؤتة . . . . . . . . . . . . أوغزوة الأحزاب وسمع كم حديث . . . . . . . . . . . . في الأخذ بالأسباب وكمان سمعلي آيه . . . . . . . . . . . . ذكرت فيها الدواب ولو شايفها صعبة . . . . . . . . . . . . قللي بتاعة الذباب واحكيلي حلم يوسف . . . . . . . . . . . . وبراءة الذئاب واخواته لما جولوه . . . . . . . . . . . . دخلوا من أنهي باب واديني فكرة برضه . . . . . . . . . . . . بتقبض كم ثواب وناوي ازاي تحسن. . . . . . . . . . . أنا شايفك لسه شاب * * *
وسأل نفسه وسألني . . . . . . . . . . . . هيعوز إيه يعني مني؟ لو عندي كل حاجه . . . . . . . . . . . . وديني مش شاغلني أحسن لك تنسى بنتي . . . . . . . . . . . . ومهرك مش لازمني قلتله صبرك ياعمي . . . . . . . . . . . . وبراحتك امتحني يبقى اما أسأل تجاوب . . . . . . . . . . . . خليك دايماً فاهمني سألتك وانت ساكت . . . . . . . . . . . . خليتني أظن ظني وفضل يسأل واجاوب . . . . . . . . . . . . وعشان خاطرك عصرني وظهرت النتيجة .. . . . . . . . . . . . وبفضل الله قبلني * * *
قاللي مقبول في نظري . . . . . . . . . . . . مبروك عليك ياسيدي لكن في نظرها هي . . . . . . . . . . . . نجاحك مش بإيدي وهي زمانها راجعة . . . . . . . . . . . . من تمرين السويدي خليك قاعد شوية . . . . . . . . . . . . استنا لما تيجي هعملك من إيديا . . . . . . . . . . . . كباية شاي صعيدي * * *
سابني وقعدت أفكر . . . . . . . . . . . . هل ممكن ترفضيني طاب قولي حتى أفكر . . . . . . . . . . . . مش يمكن تفهميني وفضل مخي يلاعبني . . . . . . . . . . . . يجيبني ويوديني وخايف م المقابلة . . . . . . . . . . . . مرعوب بينك وبيني ودق الباب في ثانية . . . . . . . . . . . . وشوفتك مرة تانية مش قادر أنسى يومها . . . . . . . . . . . . وفاكر كل ثانية * * *
ونده والدك عليكي . . . . . . . . . . . . عشان أول لقاء دخلتي وشوفت وشك . . . . . . . . . . . . عليه نور الحياء نور والله فعلاً . . . . . . . . . . . . مش نور بودرة وزواء كان أول مرة أخاف . . . . . . . . . . . . من فتنة النساء أخلاقك مش عادية . . . . . . . . . . . . وجمالك كان شفاء * * *
قعدتي جنب والدك . . . . . . . . . . . . وسألتيني وجاوبتك وفكل مرة أجاوب . . . . . . . . . . . . كنت باشوف ابتسامتك ف أقول من جوه نفسي . . . . . . . . . . . . يارب أكون عجبتك وبعد شوية قمتي . . . . . . . . . . . . ندهت عليكي مامتك ورحتي دخلتي جوه . . . . . . . . . . . . وراح وراكي والدك وانا قلت مش مروح . . . . . . . . . . . . غير لما أكون خطبتك * * *
وابوكي جاني تاني . . . . . . . . . . . . وقرب من وداني لابس كرفته سوده . . . . . . . . . . . . وبدله لون فراني المنظر يعني كله . . . . . . . . . . . . ميدلش ع التهاني قلتله مالك ياعمي . . . . . . . . . . . . من فضلك قول عشاني عرقي غرقلي كمي . . . . . . . . . . . . سايبني ليه أعاني قاللي مستني إيه . . . . . . . . . . . . فين إيدك إديهاني البنت مش موافقة . . . . . . . . . . . . تتجوز حد تاني * * *
كان أول مرة أعرف . . . . . . . . . . . . إزاي الناس بتفرح سعادتي كات غريبة . . . . . . . . . . . . مش ممكن هقدر أشرح من كتر حبي ليكي . . . . . . . . . . . . نويت أضحي وادبح رحت اشتريت خروف . . . . . . . . . . . . وكان خروف بينطح ده أخيراً هبقى جوزك . . . . . . . . . . . . وشجرة صبري تطرح * * *
خطوبتنا كات بسيطة . . . . . . . . . . . . مكانش فيها زيطة وفرحنا كان في جامع . . . . . . . . . . . . يعني مش خلطبيطة ومامتك جت في يومها . . . . . . . . . . . . ورقعت كام سويطة هاتولي بنتي منه . . . . . . . . . . . . دي مش فاهمة العبيطة إنه هيخطفها مني . . . . . . . . . . . . وهتوحشني الغتيتة * * *
صعبت عليا مامتك . . . . . . . . . . . . الموقف كان شديد لكن فعلاً خطفتك . . . . . . . . . . . . ورحنا مكان بعيد فاكرة ولا انتي ناسية . . . . . . . . . . . . أكيد فاكرة أكيد من يوم ما بقيتي زوجتي . . . . . . . . . . وانا متهني وسعيد معايا ف كل يوم . . .. . . . . . . . . . ويوم لؤاكي عيد عمرك ما دقتي نوم . . . . . . . . . . . . وانا تعبان أو مريض فلوسي كات بتكتر . . . . . . . . . . . . والخير عندك يزيد وعامله ليه دفتر . . . . . . . . . . . . ومرتبه المواعيد وبفضل الله قدرتي . . . . . . . . . . . . وجبتيلي الوليد وبعديها بشوية .. . . . . . . . . . . . جبتيلنا عليه يزيد وبعديه جت سمية . . . . . . . . . . . . وآخرهم كان حميد * * * بدعيلك كل يوم . . . . . . . . . . . . وأفضل أعيد وازيد ربيتي عيالي دول . . . . . . . . . . . . ع القرآن المجيد طول عمرك وانتي صافية . . . . . . . . . . . . قلبك لون الجليد أخلاقهم مش عادية . . . . . . . . . . . . طلعنلك مش بعيد وليد دلوقتي ضابط . . . . . . . . . . . . ومعاه رتبة عقيد ودعوة قلبي صابت . . . . . . . . . . . . ويزيد أهو مات شهيد وبنتك صيدلية . . . .. . . . . . . . . وحميد أصبح معيد الله برحم أبوكي . . . . . . . . . . . . راجل من نوع فريد كل اللي قاله فيكي . . . . . . . . . . . . أنا عشته بالتحديد * * * عشت معاكي ف حكاية . . . . . . . . . . . . أحلى وأجمل رواية حكايتي كات معاك . . . . . . . . . . . . وحكايتك كات معايا اديتك كل عمري . . . . . . . . . . . . وهمك كان رضايا وعمرك خدته منك . . . . . . . . . . . . وقربك كان دوايا وخلاص العمر راح . . . . . . . . . . . . راحت أيام صبايا ومسافر رحله صعبة . . . . . . . . . . . . وزادي مش كفايه مش عاوز أشوف دموعك . . . . . . . . . . بالذات ف يوم عزايا أنا عارف إنتي عارفة . . . . . . . . . . . . إن الموت مش نهاية دي لسة الرحلة طالعة . . . . . . . . . . . . والموت خط البداية إدعيلي يمكن أوصل . . . . . . . . . . . . وأشوف هناك حمايا أنا عارف إنه فيها . . . . . . . . . . . . محجوزله هناك سرير وسلامي في النهاية . . . . . . . . . . . . أنا خلصت الحكاية لو يوم فكرتي فيه . . . . . . . . . . . . إقري شعري وغنايا وأمانه ف كل مرة . . . . . . . . . . . . تدعي لي بالهداية عسى ربي بدعائك . . . . . . . . . . . . يغفر ليا الخطاي | |
|
katy katy المشرفه العامه
عدد الرسائل : 373 تاريخ الميلاد : 27/03/1989 العمر : 35 العمل/الترفيه : لسه بستنى نتيجة الفرقة الرابعة كلية تجارة تعرفت على المنتدى من : google رأيك بالمنتدى و اقسامه؟ : رائع تاريخ التسجيل : 23/07/2010
| موضوع: رد: حبيتك لالتزامك السبت يوليو 24, 2010 1:36 pm | |
| ما شاء الله على اختيارك ونقلك
دمتى ودام قلمك بخير
| |
|
donia عضو جامد موت
عدد الرسائل : 918 تاريخ الميلاد : 02/10/1993 العمر : 30 العمل/الترفيه : طالبه في الصف الثالث الثانوي تعرفت على المنتدى من : اخويا احمد المدير تاريخ التسجيل : 25/02/2009
| موضوع: رد: حبيتك لالتزامك السبت يوليو 24, 2010 1:51 pm | |
| يااااااااااااه والله العظيم تجنن حللوه اوووووووووووي جميله تسلم ايديكي بجد روعه | |
|
AHMED المدير العام
عدد الرسائل : 1985 تاريخ الميلاد : 19/03/1990 العمر : 34 العمل/الترفيه : خريج كلية تجاره جامعة عين شمس (دفعة 2010) تعرفت على المنتدى من : من نفسي رأيك بالمنتدى و اقسامه؟ : رائع تاريخ التسجيل : 15/02/2009
| موضوع: رد: حبيتك لالتزامك السبت يوليو 24, 2010 1:53 pm | |
| بصراحه تحفــــــه
عجبني جدا والله جزاكي الله كل خير بجد كلامه عجبني جدااااا
في انتظار مواضيعيك القيمه و المزيد بأذن الله | |
|
pure_heart مشرفة الخيمه الرمضانيه
عدد الرسائل : 346 تاريخ الميلاد : 30/06/1990 العمر : 33 العمل/الترفيه : طالبه بكليه الطب جامعه المنصورة تعرفت على المنتدى من : مدير المنتدى رأيك بالمنتدى و اقسامه؟ : مقبول تاريخ التسجيل : 11/09/2009
| موضوع: رد: حبيتك لالتزامك الأربعاء يوليو 28, 2010 12:57 pm | |
| الحمد لله انها عجبتكم نورتوا الموضوع | |
|
wasoma_20 عضو مميز
عدد الرسائل : 216 تاريخ الميلاد : 02/05/1990 العمر : 34 العمل/الترفيه : طالبه تعرفت على المنتدى من : احمد رأيك بالمنتدى و اقسامه؟ : مقبول تاريخ التسجيل : 12/05/2010
| موضوع: رد: حبيتك لالتزامك الأربعاء يوليو 28, 2010 2:13 pm | |
| يااااااااااااااااااااااااه بجد تححححفة تسلم ايدك جميلة جدا في انتظار المزيييييييييييد | |
|